Jetzt spielt
Zuletzt gespielte Songs
Cor viril Ligia Grisa
Hymnus
Capella Voale
Mal d'amur
Kapelle Soldanella
Gemeinsam in Zuakunft, Walzer
Laendlerkapelle Joe Oswald
Es Tessinerfaertli, Mars
Swyzeroergeli-Fruenda Felsberg
Naturforser Sigg, Laendler
Retuorn 85
Il avagl digl aug Flurin
Benni & otras feat. Barbara Gisler & Momo Kawazoe
posta b
Mario Paioli
La davosa ga
Blaskapelle Luzi A. Margret
Luanka
Zugehörige Podcasts
L'instrumentala
La stailalva
Marella
Artg musical
La populara
Profil
Noss chors
La classica
Neueste Podcasts-Folgen
«O Fortuna» cun amaturs e profis
Scuol Classics porta la «Carmina Burana» da Carl Orff en il Grischun – ina da las pli grondas ovras per chor dal 20avel tschientaner. L’«Artg musical» è stà sin visita ad ina da las emprovas dal chor da project.Quest project inscenescha ina da las pli impressiunantas ovras da chor dal 20avel tschientaner. Tar quest project sa tracti d'ina collavuraziun che duai far punts, d'ina vart tranter amaturas e profis, dentant era punts geograficas. L'orchester per quest project che vegn realisà a Scuol deriva numnadamain da San Francisco. Il chor sa cumpona da chantaduras e chantadurs da l'Engiadina sco era da persunas dals Stadis Unids. Il manader musical da quest project è il grischun Urs Leonhardt Steiner che viva dapi onns a San Francisco.
Instrumentala: Societad da musica Sumvitg/Cumpadials
L'episoda da quest venderdis deriva da musicantas e musicants da Sumvitg/Cumpadials.L'uniun è vegnida fundada il 1895 e commembras e commembers han grond plaschair da preschentar in'ura cun lur giavischs musicals. In'ura che porta curturella. Bun divertiment.
Pionieras da la politica grischuna
Ozendi sa chapeschi da sasez: dunnas voteschan ed elegian, ellas candideschan ed ellas fan politica. Ma il viadi a quella egualitad politica è stà lung e stentus.Questa «Marella» suonda ils fastizs da pionieras grischunas sco Hortensia von Salis, Meta von Salis u Elisabeth Lardelli che han avert portas per las generaziuns ch’èn suandadas. Cun agid d’istorgias persunalas, documents d’archiv e vuschs d’expertas mussa l’emissiun co ch’il chantun Grischun è sa midà – e nua che nus stain oz.
Fascinaziun ballape 2.0
48 squadras participantas, 3 pajais ospitants e var 1’000 maletgs ch’èn necessaris per cumplettar il quadernin legendar da Panini – il campiunadi mundial da ballape l’onn 2026 è definitivamain pli grond che mai.Quai ch’è restà, ed er quai vegn a restar la constanta en tut quest’istorgia, è la fascinaziun ballape. Quella fascinaziun che sa basa sin simplamain savair prender ina balla, independenta da tgi ch’ins è e nua ch’ins è, e da pudair giugar. Questa giada va la Marella sin in viadi tras l’istorgia dal ballape. Ella fa l’artg tranter il champiunadi dal 2006 en Germania e quel che stat uss davant porta. Sin il pastg per la Marella: il redactur da sport Gian Carlo Candinas, flancà da Georgina Janki e Livio Foffa.
Noss chors: Chor mischedau Vignogn
Noss chors porta ils giavischs musicals dal Chor mischedau Vignogn.Cun grond engaschi e plaschair chantan las dunnas ed ils umens da Vignogn e conturn en il chor. Dapi radund dus onns diregia Annette Stopp il chor. Ella deriva da la Bassa ed ha emprendì rumantsch. Ils giavischs musicals da chantaduras e chantadurs portan in'ura curturella e divertiment, magari er in zic nostalgia.
Sunar ensemen fa bain al cor
Il lavuratori da flauta traversa a Samedan festivescha quest onn ses 10avel anniversari. Per l'ediziun da giubileum sunan las flautistas ed ils flautists differents highlights dals davos onns.La musica n'enconuscha nagins cunfins e collia persunas da tutta vegliadetgna. Quai sa mussa ina giada dapli en in lavuratori da flauta traversa che ha lieu sut la direcziun musicala da la versada scolasta da flauta traversa, Miriam Cipriani. Ella viva a Chiavenna ed instruescha dapi varsaquants onns a la Scola da musica da l'Engiadin'Ota. Sia finamira è d'unir giuven e vegl entras la passiun communabla per la flauta traversa.
L'instrumentala: Musica da Suraua
Marschs, polcas, solos e hits da rock e pop - uschè vast è la glista da giavischs musicals da musicantas e musicants da la Societad da musica Suraua. In'ura delectaivla che fa buna luna.
Bernard Cathomas: «L’idea è adina stada dad unir ils Rumantschs»
Sco directur dad RTR ha Bernard Cathomas schlargià radio RTR da 14 sin 24 uras, construì la chasa da medias rumantscha avant 20 onns ed implementà la purschida online. Sco secretari da la Lia Rumantscha è el s’engaschà politicamain per il rumantsch ed el è il «bab» dal rumantsch grischun.Tut ils engaschis professiunals da Bernard Cathomas han gì l’idea dad unir Rumantschas e Rumantschs. Quai vala per las Scuntradas rumantschas, per il svilup dad ina gasetta quotidiana, per la lescha da linguas che dat al rumantsch in statuts ferm ed era per la creaziun dal rumantsch grischun. «Jau sun stà quel ch’ha in zic inizià, in zic stuschà, in zic fatg las discussiuns e guardà che las cundiziuns sajan dadas», di Bernard Cathomas en il «Profil». El n’haja betg fatg tut sulet. RTRAvant 20 onns ha RTR pudì inaugurar la chasa da medias rumantscha. Quels da la televisiun na sajan betg vegnids gugent en chasa nova, sa regorda l’anteriur directur dad RTR. Els avevan sviluppà in’autra cultura da manaschi che quella dal radio rumantsch. «Dentant sch’ins è pitschen, na ston ins betg anc sa sparter», manegia Bernard Cathomas. «Ins na sto betg anc sa far pli pitschen che quai ch’ins è. Ils pitschens ston empruvar da sa far pli ferms, da mussar lur fermezza cun concentrar las forzas. E quai ha duvrà bleras discussiuns, blera motivaziun, bler insister.»Lia RumantschaIl 1980 è Bernard Cathomas vegnì elegì sco secretari da la Lia Rumantscha. El ha inizià il rumantsch grischun. Il cumenzament ha questa lavur pudì vegnir fatga senza grondas dispitas e resistenza. Ma enturn ils onns 1990 hai cumenzà a dar attatgas massivas envers Bernard Cathomas.I fetschia impressiun da survegnir smanatschas da mort. «Ed jau hai era gì tema», conceda l’anteriur secretari da la Lia Rumantscha. Questas agressiuns sajan dentant mo vegnidas da paucas persunas.
Noss chors: Chor Uvriu
Il chor maschadà da Danis-Tavanasa festivescha quest onn giubileum da 20 onns.Sper il concert per l'onn da giubileum cun novas chanzuns rumantschas han chantaduras e chantadurs dal chor Uvriu giavischà chanzuns da tuttas sorts. Ordlunder hai dà in'emissiun da chant da tuttas coluras, spartas e geners. In'ura divertenta che fa buna luna e porta curturella.
Lisa Delikaris-Monn: «L’accident ed il yoga han midà mia vita»
En sasez ha la Tuatschina da 33 onns emprendì fisioterapeuta. Pervi d’in grev accident da velo che avess bunamain custà la vita ad ella, ha ella scuvert il yoga.Oz – 9 onns suenter il grev accident – è ella scolasta, terapeuta, docenta da yoga ed autura. Proximamain cumpara ses emprim cudesch da yoga. En il «Profil» raquinta la mamma dad ina figlia da 4 onns , co ch’ella ha chattà sia via en il yoga, dentant er en la vita.